ប្រែសម្រួល៖ បញ្ញា
ដូហា៖ លោក Petar Segrt ដែលជាគ្រូបង្វឹកជនជាតិតាហ្ស៊ីគីស្ថានទទួលបានប្រជាប្រិយភាពដោយសារភាពទាក់ទាញរបស់គាត់នៅក្នុងព្រឹត្តិការណ៍ Asian Cup ឥឡូវនេះគាត់សង្ឃឹមថាក្រុមរបស់គាត់នឹងឈានដល់វគ្គ 1/4 ផ្តាច់ព្រ័ត្រ។
ក្រុមតាហ្ស៊ីគីស្ថានបានបង្ហាញខ្លួនជាលើកដំបូងនៅក្នុងការប្រកួតនៅប្រទេសកាតា តាហ្ស៊ីគីស្ថានគឺជាក្រុមដែលគេមើលឃើញថាលេចធ្លោជាងគេនៅក្នុងវគ្គចែកពូលមាន ២៤ក្រុមបានចាប់ផ្តើមឡើង។
ក្រោយមកពួកគេបានធ្វើឲ្យមានការភ្ញាក់ផ្អើលដោយសារតែគេអាចឈានទៅដល់វគ្គ ១៦ ក្រុមចុងក្រោយ ដោយបានទម្លាក់អារ៉ាប់រួមជាមួយនឹងបាល់ប៉េណាល់ទីក្នុងវគ្គ ១៦ ក្រុមចុងក្រោយកាលពីថ្ងៃអាទិត្យ។
លោក Segrt ស្ថិតក្នុងវ័យ ៥៧ ឆ្នាំបានប្រាប់អ្នកយកព័ត៌មានថា “ឥឡូវនេះយើងប្រៀបដូចជាស្រមោលសត្វសេះនៅក្នុងការប្រកួតនេះគឺគ្មាននរណាម្នាក់អាចដឹងថាយើងអាចរត់បានឆ្ងាយប៉ុណ្ណានោះទេសម្រាប់កីឡាកររបស់យើងគឺរត់គ្មានដែនកំណត់នោះទេ ពួកគេបានធ្វើឲ្យខ្ញុំភ្ញាក់ផ្អើលយ៉ាខ្លាំង” ។
គ្រូបង្វឹកដែលគ្រប់គ្រងការប្រកួតបានយ៉ាងល្អធ្លាប់បានដឹកនាំក្រុមដូចជាហ្សកហ្ស៊ី អាហ្វហ្គានីស្ថាន និងម៉ាល់ឌីវ គ្រូបង្វឹកជនជាតិក្រូអាតរូបនេះមានស្នាដៃជាវីរបុរសជាតិសម្រាប់តាជីគីស្ថានដែលបានជួយឲ្យក្រុមតាជីគីស្ថានឈ្នះកាលពីសប្តាហ៍មុន។
ការបង្ហាញអំពីទម្រង់លេងរបស់គាត់គឺជាគំរូមួយសម្រាប់ក្រុមយុវជនរបស់គាត់ហើយទម្រង់នេះគឺលេងបានល្អខ្លាំងណាស់។
នៅពេលដែលគាត់ត្រូវបានសួរថាតើទម្រង់លេងបែបណាដើម្បីការពារក្រុមរបស់គាត់នៅក្នុងអំឡុងវគ្គចែកពូលលោក Segrt បាននិយាយថា “យើងលេងស្របតាមពេលវេលាឲ្យបានត្រឹមត្រូវ” ។
“ឥឡូវនេះពួកគេបានត្រៀមខ្លួនរួចរាល់ហើយសម្ពាធនេះនឹងធ្លាក់មកលើខ្ញុំ ប៉ុន្តែពួកគេក៏ត្រូវប្រឹងប្រែងធ្វើការឲ្យធ្ងន់ជាងនេះនិងខិតខំដោយខ្លួនឯងដើម្បីជ័យជំនះ “។
ការទាញយកគ្រាប់បាល់បានមួយគ្រាប់ទល់នឹងកាតា ការយកឈ្នះលើលីបង់ និងការឈ្នះអារ៉ាប់រួមក្នុងរយៈពេល ៩០ នាទីមុនពេលទម្លាក់ពួកគេចេញក្នុងការស៊ុតបាល់បញ្ចូលទី ទាំងនេះគឺជាភស្តុតាងបង្ហាញថាក្រុមរបស់គេប្រហែលជាលេងបានល្អ។
ក្រុមរបស់លោក Segrt ត្រូវជួបជាមួយអ៊ីរ៉ាក់ ឬហ្ស៊កដានី គាត់បាននិយាយថា “យើងស្ថិតក្នុងចំណោមក្រុមល្អបំផុតទាំងប្រាំបីនៅអាស៊ី” ។
- ការយកចិត្តទុកដាក់សម្រាប់ក្រុម
លោក Segrt បាននិយាយថា “ខ្ញុំមកពីតំបន់ក្រីក្រហើយបើមើលមកក្រោយវិញនោះឃើញថាខ្ញុំកាលពីក្មេងបានឆ្លងកាត់ការលំបាកខ្លាំងណាស់គឺអស់រយៈពេល ២៧ ឆ្នាំមកហើយដែលខ្ញុំស្ថិតនៅក្នុងស្ថានភាពដ៏លំបាកខ្លាំងកាលខ្ញុំនៅយូហ្គោស្លាវីចាស់និងក្រោយមកទៅនៅអាឡឺម៉ង់។”ខ្ញុំមិនភ្លេចទេថាខ្ញុំមកពីណាហើយខ្ញុំគិតថាខ្ញុំមានចិត្តស្មោះត្រង់នេះជារឿងសំខាន់បំផុតសម្រាប់ខ្ញុំ”។
ទម្រង់នៃការគ្រប់គ្រងក្រុមរបស់គាត់បានទាក់ទាញទឹកចិត្តកីឡាករវ័យក្មេងធ្វើឲ្យពួកគេអាចឈានទៅដល់វគ្គ ១៦ ក្រុមចុងក្រោយ។
ខ្សែការពារជនជាតិតាជីគីស្ថាន Zoir Dzhuraboev បាននិយាយថា “គាត់មានឥរិយាបទវិជ្ជមានគ្រប់ពេល ចិត្តល្អ ប៉ុន្តែគាត់ក៏តឹងរ៉ឹងចំពោះពួកយើងផងដែរ”។
នៅពេលដែលអ្នកលេងខ្លះអង្គុយនៅលើវាលស្មៅនៅមុនពេលប្រកួតជាមួយនឹង UAE លោក Segrt បានឲ្យពួកគេក្រោកឡើងហើយបង្ហាញពីកម្លាំងចិត្តរួបរួមគ្នាស្មាទល់ស្មា។
លោកបានបន្តថា៖ “ ខ្ញុំគិតថាអ្វីដែលសំខាន់បំផុតគឺភាពសុខដុមរមនារបស់សមាជិកក្នុងក្រុម។ “គ្រូបង្វឹកដែលអាចនាំមកនូវភាពសុខដុមរមនាដល់សមាជិកក្នុងក្រុមនោះគឺជាគ្រូបង្វឹកដ៏ល្អ និងជាគ្រូបង្វឹកនាំមកនូវភាពជោគជ័យ”។
លោក Segrt នឹងផុតកំណត់កិច្ចសន្យាបន្ទាប់ពី Asian Cup គាត់បាននិយាយថា “យើងនឹងឃើញលទ្ធផលនៅក្នុងប៉ុន្មានថ្ងៃខាងមុខ ប៉ុន្តែខ្ញុំត្រូវតែនិយាយថា តាជីគីស្ថាន គឺជាក្រុមដំបូងបង្អស់សម្រាប់ខ្ញុំ” ៕
ប្រភព៖ Reuters